É unha parte pola cal o encaixe vai ser unido á tela, polo que debe ter unha certa consistencia. Normalmente están confeccionados con puto de par enteiro e de par enteiro volteado, aínda que existen variantes, tanto en forma (rectilíneos, curvilíneos ou mixtos) como en técnicas utilizadas.

O pé máis común está composto por un zigzag que vai ó longo da labor, este zigzag está formado por dous pares que se alternan na formación deste e do borde. Estos pares van pasando polos demais pares do pé e "enganchando" aos do medio nos piques que o unen co mesmo.

Tipos de pé

Tipos de pé [Raizame do Encaixe Galego-Concepción Canoura Leira]

• Pé sinxelo de par enteiro e de par enteiro volteado (son os máis antigos e usuais).
• Pé de par enteiro e de par enteiro volteado con distintos grosores no par enteiro. Este tipo de pé serve para recoller, deixar ou cortar pares segundo o necesite a labor.
• Pé cruzado. Neste tipo de pé temos un dobre zigzag de maneira que se van formando rombos ó longo do pé. 
• Pé de cordóns.
• Pé de par enteiro
• Pé de par enteiro volteado